சேலம் மாவட்டம் ஏற்காட்டில் சுற்றுச்சூழல் கருத்தரங்கு

ஏற்காட்டில் உள்ள இந்திய அரசு தாவரவியல் ஆராய்ச்சி நிறுவன கூடத்தில் சுற்றுச்சூழல் குறித்த கருத்தரங்கு நடைபெற்றது. இதற்கு ஏற்காடு வனசரக அலுவலர் முருகன் தலைமை தாங்கினார். இதில் வனத்துறையினர், அரசு பள்ளி மாணவர்கள், பொதுமக்கள் உள்பட பலர் கலந்து கொண்டனர். கருத்தரங்கில் பிளாஸ்டிக்கால் ஏற்படும் தீமைகள், மரம் வளர்ப்பு, சுற்றுசூழல் பாதுகாப்பு குறித்து பேசினர். கொண்டப்பநாயக்கன்பட்டி, கன்னங்குறிச்சி, அம்மாபேட்டை, சேலம் கோட்டை அரசு பள்ளி மாணவர்கள் கலந்து கொண்டனர்.