சுற்றுச்சூழல் குறித்த விழிப்புணர்வு போட்டிகள்

விழுப்புரம் மாவட்டம் செஞ்சியில் தமிழ்நாடு சுற்றுச்சூழல் துறை மற்றும் காலநிலை மாற்றத்துறை சார்பில் அரசு பள்ளிகளில் 6 முதல் 9-ம் வகுப்பு வரை பயிலும் மாணவ-மாணவிகளுக்கு சுற்றுச்சூழல் குறித்து விழிப்புணர்வு ஏற்படுத்தும் வகையில் பேச்சுப்போட்டி, ஓவியப்போட்டி நடைபெற்றது.

இந்த போட்டியில் மாணவ-மாணவிகள் ஆர்வமுடன் பங்கேற்றனர். இதில் வெற்றிபெற்ற மாணவ-மாணவிகளுக்கு மாவட்ட முதன்மை கல்வி அலுவலர் அறிவழகன் பரிசு வழங்கினார். இதில் சுற்றுச்சூழல் மாவட்ட திட்ட ஒருங்கிணைப்பாளர் ஜெயச்சந்திரன், தேசிய பெருமை படை ஒருங்கிணைப்பாளர் பாலசுப்பிரமணியன், பசுமைப் படை மாவட்ட ஒருங்கிணைப்பாளர் சரவணன், ஆசிரியர் மணி மற்றும் ஆசிரியர்கள் கலந்து கொண்டனர்.