ஈரோடு தொகுதி அதிமுக வேட்பாளர் வேட்புமனு தாக்கல்

2024 பாராளுமன்ற தேர்தலிலையொட்டி அதிமுக சார்பில் ஆற்றல் அசோக்குமார் போட்டியிடுகிறார். இவர் ஈரோடு மாவட்ட தேர்தல் அதிகாரியும், ஈரோடு மாவட்ட ஆட்சியருமான ராஜகோபால் சுன்கராவிடம் வேட்புமனு தாக்கல் செய்தார். இவருடன் ஈரோடு அதிமுக மாநகர செயளாலரும் முன்னாள் அமைச்சருமான கே.வி.ராமலிங்கம், தேமுதிக மாவட்ட செயலாளர் ஆனந்த், எஸ்டிபிஐ கட்சி மாவட்ட த்தலைவர் பி.முகமது லுக்மான், முன்னாள் மண்டல தலைவர் முனியப்பன் ஆகியோர் உடனிருந்தனர்.

இவர் கோயமுத்தூர் அரசு தொழில்நுட்பக் கல்லூரியில் இளங்கலை மென்பொருள் படிப்பும் அமெரிக்கா கெண்டக்கி லூயிஸ் வில் பல்கலைக்கழகத்தில் முதுநிலை மின் மற்றும் கணினி பொறியியல் படிப்பும் அமெரிக்கா இந்தியனா இன்டியானா போலீஸ் பல்கலைக்கழகத்தில் முதுநிலை வணிக நிர்வாக படிப்பும் படித்துள்ளார். மேலும் 2000 முதல் 2005 வரை அமெரிக்க மைக்ரோசாப்ட் கார்ப்பரேஷனில் அமெரிக்க பிராந்திய விற்பனை மேலாளராகவும், அமெரிக்க வணிக மேம்பாட்டு இன்டல் கார்ப்பரேஷன் நிறுவனத்தில் அமெரிக்க வணிக மேம்பாட்டு மேலாளராகவும், ஜெராக்ஸ் கார்ப்பரேஷன் அமெரிக்க தொழில்நுட்ப விற்பனை ஆய்வாளராகவும் பணிபுரிந்துள்ளார்.

மேலும் இவர் பாரதிய ஜனதாவில் இருந்து கடந்த சில மாதங்களுக்கு முன்புதான் அதிமுகவில் தன்னை இணைத்துக் கொண்டார் என்பது குறிப்பிடத்தக்கது. அண்ணா திமுக மற்றும் பாரதிய ஜனதா அரசியல் கட்சியின் பின்புலத்தை சார்ந்த இவர் அதிமுக சார்பில் ஈரோடு பாராளுமன்ற தொகுதி வேட்பாளராக அறிவிக்கப்பட்டு மனுதாக்கல் செய்துள்ளார்.