சிவகாசியில் பங்குனி பொங்களுக்கான உத்தரவு கேட்கும் நிகழ்வுகள்

சிவகாசி ஸ்ரீமாரியம்மன் கோவில் பங்குனி பொங்கல் திருவிழா,ஏப்ரல்7ம் தேதி மகிமை பண்டு அறிவிப்பு... விருதுநகர் மாவட்டம், சிவகாசியில் உள்ள,பிரசித்தி பெற்ற ஸ்ரீமாரியம்மன் கோவிலின் பங்குனி பொங்கல் திருவிழா,ஏப்ரல் மாதம் 7ம் தேதி நடைபெறும் என்று கோவில் நிர்வாகம் அறிவித்துள்ளது.

சிவகாசியில்,இந்து நாடார்கள் உறவின்முறை மகமைப் பண்டுக்கு சொந்தமான ஸ்ரீமாரியம்மன் கோவிலில், ஆண்டு தோறும் பங்குனி பொங்கல் திருவிழா கோலாகலமாக நடைபெறுவது வழக்கம்.இந்த ஆண்டு பங்குனி பொங்கல் திருவிழா நடத்துவதற்காக,அம்மனிடம் உத்தரவு கேட்கும் நிகழ்ச்சி கடைக்கோவில் இருந்து கோவில் நிர்வாகிகள் மற்றும் பக்தர்கள்,ஸ்ரீமாரியம்மன் கோவிலுக்கு ஊர்வலமாக வந்தனர்.

இதனை அடுத்து ஸ்ரீமாரியம்மனுக்கு சிறப்பு பூஜைகள் நடைபெற்றதை தொடர்ந்து,ஸ்ரீமாரியம்மனிடம் பங்குனி பொங்கல் திருவிழா உத்தரவு கேட்கப்பட்டது.அம்மன் உத்தரவு வழங்கியதை அடுத்து கோவில் நிர்வாகிகள் பங்குனி பொங்கல் திருவிழா குறித்து அறிவித்தனர்.அதன்படி,வரும் 31ம் தேதி (ஞாயிறு) இரவு, ஸ்ரீமாரியம்மன் கோவிலில் பங்குனி பொங்கல் திருவிழாவிற்கான கொடியேற்றம் நிகழ்ச்சியும் ஏப்ரல் மாதம் 7ம் தேதி (ஞாயிறு) பங்குனி பொங்கல்,8ம் தேதி (திங்கள்) அக்கினிச்சட்டி மற்றும் கயறுகுத்து விழாவும்,10ம் தேதி (புதன்) தேரோட்டம் நிகழ்ச்சியும் நடைபெறுகிறது.திருவிழா ஏற்பாடுகளை,கோவில் நிர்வாகிகள் சிறப்பாக செய்து வருகின்றனர்.