தொழிலாளியை தாக்கிய முன்னாள் ராணுவ வீரர் கைது

கன்னியாகுமரி மாவட்டம் கருங்கல் அருகே உள்ள ஆலஞ்சி அடப்பூர் பகுதியை சேர்ந்தவர் அசோக் டார்வின் (38). தொழிலாளியான இவருக்கும் அதே பகுதியை சேர்ந்த முன்னாள் ராணுவ வீரரான ஜான் பீட்டர் (56) என்பவருக்கும் பாதை தகராறு காரணமாக முன்விரோதம் இருந்து வந்தது. இது தொடர்பான வழக்கு பத்மநாதபுரம் கோர்ட்டில் தற்போது நடைபெற்று வருகிறது. இந்த நிலையில் சம்பவத்தன்று ஜான் பீட்டர் அவரது மனைவி மேரி ஸ்டெல்லா ஆகிய இரண்டு பேரும் சேர்ந்து அசோக் டார்வினை தகாத வார்த்தைகளால் பேசி, கல்லால் தாக்கி கொலை மிரட்டல் விடுத்ததாக கூறப்படுகிறது. இது குறித்து அசோக் டார்வின் கொடுத்த புகாரின் பேரில் ஜான் பீட்டர், மேரி ஸ்டெல்லா ஆகியோர் மீது கருங்கல் போலீசார் வழக்கு பதிவு செய்து, முன்னாள் ராணுவ வீரர் ஜான் பீட்டரை கைது செய்தனர்.