அதிமுக வேட்பாளரை ஆதரித்து ஓ.எஸ் மணியன் வாக்கு சேகரிப்பு

அதிமுக சார்பில் போட்டியிடும் மயிலாடுதுறை நாடாளுமன்ற வெற்றி வேட்பாளர் பாபுவிற்கு இரட்டை இலை சின்னத்தில் வாக்கு கேட்டு முன்னாள் ஜவுளித்துறை அமைச்சர் ஓ எஸ் மணியன் தஞ்சாவூர் மாவட்டம் பாபநாசம் சட்டமன்ற தொகுதி அம்மாபேட்டை வடக்கு ஒன்றியத்திற்குட்பட்ட வடக்குமாங்குடி பள்ளிவாசலில் அதிமுக வேட்பாளர் பாபுவிற்க்கு தொழுகை முடித்து வந்த இஸ்லாமிய சகோதரர்களிடம் துண்டு பிரசுரங்கள் வழங்கியும் சிறுபான்மையினருக்கு அதிமுக ஆட்சியில் கொண்டு வந்த நலத்திட்டங்களை எடுத்துக் கூறியும் இரட்டை இலை சின்னத்திற்கு வாக்கு கேட்டு தீவிர வாக்கு சேகரிப்பில் ஈடுபட்டார்.

வாக்கு சேகரிப்பின் போது ஒன்றிய செயலாளர்கள் இராமச்சந்திரன், சூரியநாராயணன், அம்மா பேரவை மாவட்ட செயலாளர் துரை.சண்முகபிரபு, மாவட்ட அவைத் தலைவர் ராம்குமார், முன்னாள் சட்டமன்ற உறுப்பினர் இளமதி சுப்பிரமணியன், மாவட்ட பொருளாளர் கண்ணபிரான் உட்பட அதிமுக கழக நிர்வாகிகள் கூட்டணி கட்சி நிர்வாகிகள் தொண்டர்கள் ஏராளமானோர் கலந்து கொண்டு வாக்கு சேகரிப்பில் ஈடுபட்டனர்.