பாமக கொடியேற்று விழா முன்னாள் எம்எல்ஏ பங்கேற்பு

சேலம் மாவட்டம், சங்ககிரி கிழக்கு ஒன்றிய பாமக சார்பில் ஊராட்சி ஒன்றியத்திற்குட்பட்ட பகுதிகளில் கட்சி கொடியேற்றும் விழா நடைபெற்றது. முன்னாள் பாமக எம்எல்ஏவும், மாநில வன்னியர் சங்க செயலாளருமான கார்த்தி தலைமையில் குப்பனூர், சின்னாகவுண்டனூர் தேசியநெடுஞ்சாலை பிரிவுகள், கோபாலனூர், மட்டம்பட்டி, திப்பம்பட்டி, வேலம்மாவலசு, சுண்ணாம்புகுட்டை, கிடையூர் உள்ளிட்ட பல்வேறு பகுதிகளில் கட்சி கொடியேற்றி வைத்து சிறப்பித்தார்.

அப்போது தெற்கு மாவட்டத்தலைவர் முத்துசாமி, மாநில செயற்குழு உறுப்பினர் அண்ணாதுரை, மாவட்ட துணை செயலாளர் சத்திரிய சுவாமிநாதன், மாவட்ட செயற்குழு உறுப்பினர் சுப்பிரமணி, ஒன்றியத் தலைவர் வடிவேல், ஒன்றிய செயலாளர் சக்திவேல், சங்ககிரி நகர செயலாளர் ஐயப்பன், எடப்பாடி நகர செயலாளர் சண்முகம், நிர்வாகிகள் ரவி, பூபதி, மோகன்ராஜ், பிரபாகரன், பழனிச்சாமி, சக்திவேல் உட்பட பலரும் இதில் கலந்து கொண்டனர்.