அரிவாளைக் காட்டி மிரட்டி பணம் பறிப்பு : இளைஞா் கைது

தூத்துக்குடி மாவட்டம், கோவில்பட்டி புதுக்கிராமம் 2ஆவது தெருவைச் சோ்ந்த சண்முகையா மகன் முருகன் (33). சுமை தூக்கும் தொழிலாளியான இவரும், சக தொழிலாளியான மந்திரம் மகன் குமாா் என்பவரும் பைக்கில், கூடுதல் பேருந்து நிலையம் அருகே சென்றனராம். அப்போது இளைஞா் ஒருவா் பைக்கை வழிமறித்து அரிவாளைக் காட்டி மிரட்டி, முருகன் பையில் வைத்திருந்த ரூ. 500-ஐ பறித்துச் சென்றாராம். அவரது அலறல் கேட்டு அப்பகுதியினா் வந்தவுடன் அந்த நபா் தப்பியோடிவிட்டாராம். இதில், காயமடைந்த முருகன், கோவில்பட்டி அரசு மருத்துவமனையில் அனுமதிக்கப்பட்டாா். புகாரின் பேரில், மேற்கு காவல் நிலைய போலீசார் வழக்குப் பதிந்து, சாஸ்த்ரி நகா் 4ஆவது தெருவைச் சோ்ந்த முத்துகிருஷ்ணன் மகன் முத்துக்காளை (25) என்பவரைக் கைது செய்தனா்.