போலி மதுபாட்டில்கள் பறிமுதல்

வேலூர் மாவட்டம், கே.வி.குப்பம் தாலுகா, லத்தேரி அருகே அன்னங்குடி கிராமத்தில் லத்தேரி காவல் நிலைய போலீசார் அதிரடி சோதனை நடத்தினர். ஒரு வீட்டில் நடத்திய சோதனையில் வெங்கடேசன் மகன் லோகேஷ் (வயது 29) என்பவரிடம் இருந்து லேபில், மூடிக்கு சீல் போன்றவை இல்லாமல் குவாட்டர் அளவு கொண்ட 10 போலி மதுபாட்டில்களை போலீசார் பறிமுதல் செய்தனர். மேலும் போலி மது விற்றதாக லோகேஷ் மீது போலீஸ் சப்-இன்ஸ்பெக்டர் நாராயணன் வழக்குப்பதிவு செய்து அவரை கைதுசெய்தார். மேலும் போலீசார் விசாரணை நடத்தி வருகின்றனர்.