ராஜகிரியில் ஹஜ் புனித பயணம் செல்பவர்களுக்கு வழியனுப்பு விழா

தமிழ்நாடு மாநில ஹஜ் குழு மூலம் இந்த ஆண்டு சவுதி அரேபியாவில் உள்ள மக்கா மாநகரத்திற்கு புனித ஹஜ் பயணம் செல்லக்கூடிய இஸ்லாமியர்களுக்கு பாபநாசம் தாலுக்கா ராஜகிரி தான் ஸ்ரீ உபயதுல்லா மெட்ரிகுலேஷன் மேல்நிலைப் பள்ளியில் வழியனுப்பு விழா நடைபெற்றது .விழாவிற்கு பள்ளி நிர்வாக உறுப்பினர் அப்துல் பாரி தலைமை வகித்தார். பள்ளி நிர்வாக உறுப்பினர் முகமது பாரூக் வரவேற்று பேசினார்.

நிகழ்ச்சியில் ராஜகிரி தான் ஸ்ரீ மெட்ரிகுலேஷன் மேல்நிலைப்பள்ளி இமாம் முகைதீன் நூரி, ராஜகிரி பெரிய பள்ளிவாசல் தலைமை இமாம் சாகுல் ஹமீது, தஞ்சை, திருவாரூர், நாகை, மயிலாடுதுறை மாவட்ட ஹஜ் பயணிகள் ஒருங்கிணைப்பாளரும், அம்மாபேட்டை முன்னாள் ஒன்றிய குழு தலைவருமான சுலைமான் பாட்ஷா, பள்ளித்தாளர் நூர் முகமது, நிர்வாக உறுப்பினர் சுல்தான் இப்ராகிம், ராஜகிரி நிஸ்வான் பள்ளி தாளாளர் இ. டி. கே. முகமது பாரூக், தென்காசி மாவட்டம் சுரண்டை நகராட்சி முகைதீன் ஆண்டவர் பள்ளிவாசல் இமாம் மைதீன் அகமது ஷா வாஹிதி, பொருளாளர் ஷாஜி அலி பள்ளிவாசல் உறுப்பினர்கள் அபு உபைதா, அப்துல் காதர் ஜெய்லானி, அப்துல் ஜப்பார், கல்லுத் கனி ஆகியோர் கலந்து கொண்டு பேசினார்கள். தொடர்ந்து ஹஜ் புனித பயணம் மேற்கொண்டவர்களுக்கு நினைவு பரிசு வழங்கப்பட்டது.