வஞ்சிபாளையம் அருகே ரயிலில் அடிபட்டு விவசாயி உயிரிழப்பு

திருப்பூர் வஞ்சிபாளையம் அருகே உள்ள ரயில் தண்டவாளத்தில் நபர் ஒருவர் உயிரிழந்து கிடப்பதாக ரயில்வே போலீசாருக்கு தகவல் கிடைத்துள்ளது. தகவலின் அடிப்படையில் அங்கு சென்ற சப்-இன்ஸ்பெக்டர் கந்தசாமி தலைமையிலான போலீசார் பிரேதத்தை கைப்பற்றி பிரேத பரிசோதனைக்காக திருப்பூர் அரசு மருத்துவ கல்லூரி மருத்துவமனைக்கு அனுப்பி வைத்தனர்.

தொடர்ந்து விசாரணை மேற்கொண்டதில் உயிரிழந்த நபர் ஈரோடு மாவட்டம் கோபிசெட்டிபாளையம் பகுதியைச் சேர்ந்த குருநாதன் (54)விவசாயி என்பது தெரியவந்தது.

ரயில்வே தண்டவாளத்தை கடக்க முற்பட்டபோது ரயிலில் அடிபட்டு உயிரிழந்தாரா அல்லது தற்கொலையா என்பது குறித்து போலீசார் விசாரணை மேற்கொண்டு வருகின்றனர்.