தவிடு மூட்டை விழுந்து விவசாயி பலி

திருவண்ணாமலை மாவட்டம், செய்யாறு அடுத்த பாராசூர் கிராமத்தை சேர்ந்தவர் முருகன் (வயது 65), விவசாயி. இவர் சரக்கு ஆட்டோவில் நெல் மூட்டைகளை ஏற்றிக்கொண்டு அரிசி ஆலைக்கு சென்றார். அங்கு அரைக்கப்பட்ட அரிசி மற்றும் தவிடு மூட்டைகளை சரக்கு ஆட்டோவில் ஏற்றிக் கொண்டிருந்தார். மூட்டையை தலையில் சுமந்து வந்த போது திடீரென தவறி கீழே விழுந்துள்ளார். இதில் படுகாயமடைந்த அவரை அக்கம்பக்கத்தினர் மீட்டு சிகிச்சைக்காக அரசு மருத்துவமனையில் அனுமதித்த நிலையில் அங்கு சிகிச்சை பலனின்றி உயிரிழந்தார்.