ஊத்தங்கரை அருகே மின்சாரம் தாக்கி விவசாயி பலி

கிருஷ்ணகிரி மாவட்டம் ஊத்தங்கரை அடுத்த கருவாண்டபதி கிராமத்தைச் சேர்ந்த விவசாயி சண்முகம் ( வயது 65) அவரது விவசாய நிலத்தில் குடியிருந்து வருகிறார். நேற்று சண்முகம் என்பவருடைய விவசாய நிலத்தில் மின் மோட்டார் இயக்கச் சென்றபோது மின்மோட்டாரின் ஸ்டார்ட்டர் மின்சார மரத்தில் கட்டி வைத்துள்ளனர். மழையின் காரணமாக மின்கலன்பெட்டியில் மின்சாரம் பாய்ந்துள்ளது.

இதை தெரியாத சண்முகம் கை வைக்கும் பொழுது மின்சாரம் தாக்கி தூக்கி வீசப்பட்ட நிலையில் அவரை மீட்டு திருப்பத்தூர் அரசு மருத்துவமனையில் சேர்த்துள்ளனர் . சண்முகத்தை பரிசோதனை செய்த அரசு மருத்துவர் அவர் ஏற்கனவே இறந்து விட்டதாக கூறியதால் அடுத்து அவரது பிரேதத்தை பரிசோதனைக்காக திருப்பத்தூர் மருத்துவமனையில் வைக்கப்பட்டுள்ளது. இச்சம்பவம் கிராம பகுதியில் பெரும் பரபரப்பை ஏற்படுத்தி உள்ளது.