மின்சாரம் தாக்கி விவசாயி பலி

சேலம் மாவட்டம்,மேட்டூர் அருகே கொளத்தூர் குரும்பனூர் பகுதியை சேர்ந்தவர் விவசாயி செல்வகுமார் (27). இவருக்கு திருமணம் ஆகி ஒரு வயதில் ஆண் குழந்தை ஒன்று உண்டு. இந்நிலையில் இன்று காலை சிவக்குமார் தனது விவசாய நிலத்திற்கு தண்ணீர் பாய்ச்சுவதற்காக அருகில் இருந்த மின்மாற்றி மீது ஏறி பீஸ்கேரியர் போடச் சென்றார். அப்போது எதிர்பாராத விதமாக மின்சாரம் தாக்கி விவசாயி செல்வகுமார் சம்பவ இடத்திலேயே பலியானார். தகவல் அறிந்து சம்பவ இடத்திற்கு வந்த போலீசார் செல்வகுமார் சடலத்தை கைப்பற்றி பிரேத பரிசோதனைக்காக மேட்டூர் அரசு மருத்துவமனைக்கு அனுப்பி வைத்து அப்பகுதியில் விசாரணை நடத்தி வருகின்றனர். மின்மாற்றியை அணைக்காமல் பீஸ் கேரியர் போடச் சென்றதால் இந்த விபத்து ஏற்பட்டதாக கொளத்தூர் போலீஸார் தெரிவித்தனர்.