கார் மோதி விவசாயி பலி

சேலம் கொண்டலாம்பட்டி அருகே உள்ள நெய்க்காரப்பட்டி சத்தியம் கார்டனை சேர்ந்தவர் மாரியப்பன் (வயது 57). விவசாயி. இவரது மகள் எஸ்வந்தரா (23). இவர்கள் 2 பேரும் நெய்க்காரப்பட்டி பட்டர்பிளே பாலத்தின் வழியாக வந்து மொபட்டில் சென்றனர்.

அப்போது ஆட்டையாம்பட்டியை சேர்ந்த பிரேமா (37) இவரது மகன் தினேஷ் குமார் (19) ஆகியோர் மோட்டார் சைக்கிளை சாலையோரம் நிறுத்தி தண்ணீர் குடித்துக் கொண்டிருந்தனர். அந்த வழியாக வந்த கார் மொபட் மற்றும் மோட்டார் சைக்கிள் மீது மோதியது. இந்த விபத்தில் மாரியப்பன், எஸ்வந்தரா, பிரேமா, தினேஷ்குமார் மீதும் மோதியது. இதில் 4 பேரும் படுகாயம் அடைந்தனர். அக்கம் பக்கத்தினர் அவர்களை மீட்டு சேலத்தில் உள்ள தனியார் மருத்துவமனையில் சேர்த்தனர்.

அங்கு சிகிச்சை பலனின்றி மாரியப்பன் பரிதாபமாக இறந்தார். மற்ற 3 பேருக்கும் தீவிர சிகிச்சை அளிக்கப்படுகிறது. இந்த விபத்து குறித்து கொண்டலாம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.