மின்னல் தாக்கியதில் விவசாயி பலி!

புதுக்கோட்டை அருகே வெள்ளிக்கிழமை மாலை மின்னல் பாய்ந்து ஆடு மேய்த்த விவசாயி உயிரிழந்தார். புதுக்கோட்டை மாவட்டம் வெள்ளனூர் அருகே பழைய ராஜாப்பட்டியைச் சேர்ந்தவர் கு. வீரையா (55). இவர், அய்யாவயல் பகுதியில் வெள்ளிக்கிழமை மாலை ஆடு மேய்த்துள்ளார்.

அப்போது திடீரென பெய்த மழைக்கு, அங்குள்ள ஒரு மரத்தடியில் ஒதுங்கியுள்ளார். அப்போது, எதிர்பாராதவிதமாக மின்னல் பாய்ந்ததில் அந்த இடத்திலேயே வீரையா உயிரிழந்தார். இந்த சம்பவம் 4 குறித்து வெள்ளனூர் போலீஸார் விசாரிக்கின்றனர்.