கொட்டி தீர்த்த கனமழையால் விவசாயிகள், பொதுமக்கள் மகிழ்ச்சி

சேலம் மாவட்டம்l,கெங்கவல்லி வட்டம், கெங்கவல்லி மற்றும் அதன் சுற்றுவட்டார பகுதிகளில் விட்டு விட்டு கொட்டி தீர்த்த கனமழையால் விவசாயிகள், பொதுமக்கள் மகிழ்ச்சி அடைந்துள்ளனர், தமிழகத்தில் பல்வேறு மாவட்டங்களில் கனமழை மற்றும் மிதமான மழை பெய்யும் என சென்னை வானிலை மையம் அறிவிப்பு வெளியிட்டிருந்த நிலையில் சேலம் மாவட்டம் கெங்கவல்லி அதன் சுற்றுவட்டார பகுதிகளில் காலை முதல் வானம் மேகமூட்டத்துடன் காணப்பட்ட நிலையில் தற்போது கெங்கவல்லி, பள்ளக்காடு, தெடாவூர், வீரகனூர், ஆணையம்பட்டி உள்ளிட்ட பகுதிகளில் இடி,மின்னலுடன் விட்டு விட்டு கன மழை கொட்டி தீர்த்தது.இதனால் சில இடங்களில் சாலைகளில் வெள்ளப்பெருக்கு ஏற்பட்டதோடு தாழ்வான பகுதிகளில் மழை நீர் சூழ்ந்தது. இதனால் வாகன ஓட்டிகளும், பொதுமக்களும் கடும் அவதிக்குள்ளாகினார்கள், இதனிடையே விட்டு விட்டு கொட்டி தீர்த்த கன மழையால் நெல், மக்காச்சோளம் பயிரிட்ட விவசாயிகள் மற்றும் பொதும்க்கள் மகிழ்ச்சி அடைந்துள்ளனர்.