கடலூர்: மகனுடன் பெண் மாயம்

புதுச்சேரி மணமேடு பகுதியை சேர்ந்தவர் கலைமணி. இவருக்கு புஷ்பலதா என்ற மனைவியும், ஹரிஷ் என்ற மகனும் உள்ளனர். இந்த நிலையில் புஷ்பலதா அவரது மகனுடன் நடுவீரப்பட்டில் உள்ள அரசு மருத்துவமனைக்கு சென்று வருவதாக கூறிவிட்டு சென்றவர் நீண்ட நேரமாகியும் வீடு திரும்பவில்லை. இதனால் அதிர்ச்சி அடைந்த கலைமணி மற்றும் அவரது உறவினர்கள் தாய், மகன் இவரையும் பல்வேறு இடங்களில் தேடியும் அவர்களை காணவில்லை. இது குறித்த புகாரின் பேரில் நடுவீரப்பட்டு போலீசார் வழக்குப்பதிவு செய்து மகனுடன் மாயமான புஷ்பலதாவை தேடி வருகின்றனர்.