பிடல் சேகுவேரா பிறந்த நாள் கொண்டாட்டம்

பொதுவுடமை போராளி பிடல்சேகுவேரா 97-வது பிறந்த தினவிழா நாமக்கல் மாவட்டம் ராசிபுரம் பகுதியில் வெள்ளிக்கிழமை நடைபெற்றது.

ராசிபுரம் புதிய பேருந்து நிலையம் முன்பாக நகர திராவிடர் விடுதலைக் கழகம், இந்திய கம்யூனிஸ்டு கட்சி, வெண்ணந்தூர் பேரூர் விடுதலை சிறுத்தைகள் கட்சி ஆகியவற்றின் சார்பில் நடைபெற்ற பிறந்த தினவிழாவில் அலங்கரிக்கப்பட்ட பிடல் சேகுவேரா படத்திற்கு மாலை அணிவித்து மலர்தூவி மரியாதை செலுத்தினர்.

இந்நிகழ்ச்சியில் நகர திராவிடர் விடுதலை கழக செயலாளர் பிடல் சேகுவேரா தலைமை வகித்தார். இதில் விடுதலை சிறுத்தைகள் கட்சி சேலம், நாமக்கல் மண்டல துணைச் செயலாளர் வ.அரசன், கட்சியின் நாடாளுமன்றத் தொகுதி துணைச்செயலர் கபிலன், சிபிஐ நகரச் செயலாளர் எஸ்.மணிமாறன், பொருளாளர் சலீம், முன்னாள் நகர்மன்ற உறுப்பினர் வி.சுந்தரம், உட்பட பலர் கலந்து கொண்டனர்.