சுயேட்சை வேட்பாளர்கள் வேட்பு மனு தாக்கல்

திண்டுக்கல் நாடாளுமன்ற தொகுதியில் போட்டியிட வேட்பு மனு தாக்கல் கடந்த 20ஆம் தேதி தொடங்கியது.கடந்த இரண்டு நாட்களாக யாரும் வேட்பு மனு தாக்கல் செய்யவில்லை. இந்த நிலையில் நேற்று 22.03.24 திண்டுக்கல் நாகல்நகர் பகுதியில் உள்ள நாராயணா நகர் பகுதியைச் சேர்ந்த ஆறுமுகம் என்பவர் சுயேட்சையாக மாவட்ட தேர்தல் அலுவலர் பூங்கொடியிடம் தனது வேட்பு மனுவை தாக்கல் செய்தார்.49 வயதாகும் ஆறுமுகம் பதினோராம் வகுப்பு வரை படித்திருக்கிறார்.ரியல் எஸ்டேட் தொழில் செய்து வருகிறார். நாடாளுமன்ற தேர்தலில் முதல் முறையாக போட்டியிடுகிறார் இவர் மீது வழக்குகள் எதுவும் இல்லை.மேலும் அகில இந்திய இளைஞர்கள் முன்னேற்ற கட்சியின் மாவட்ட செயலாளர் தினேஷ்குமார் என்பவர் சுயேட்சையாக மாவட்ட ஆட்சியரும் தேர்தல் அதிகாரியுமான திருமதி பூங்கொடியிடம் தனது வேட்பு மனுவை தாக்கல் செய்தார் . பின்னர் உறுதிமொழி ஏற்றுக் கொண்டார்.