வந்தவாசி அருகே தீ விபத்து !

திருவண்ணாமலை மாவட்டம் தேசூர் கிராமத்தைச் சேர்ந்த நாகராஜ் என்பவர் காரம் கிராமத்தில் வைக்கோல் ஏற்றிக்கொண்டு டிராக்டரில் சென்று கொண்டிருந்த போது எதிர்பாராத விதமாக டிராக்டர் மின்சார கம்பி மீது உரசியதால் வைக்கோல் தீப்பற்றி எரிந்தது. இதுகுறித்து தகவலறிந்த வந்தவாசி தீயணைப்புத்துறையினர் சம்பவ இடத்திற்கு விரைந்து சென்று சுமார் ஒரு மணி நேரம் போராடி தீயை அணைத்தனர். மேலும் இதுகுறித்து வந்தவாசி வடக்கு காவல் நிலைய போலீசார் விசாரணை நடத்தி வருகின்றனர்.