ஆத்தூர்: விவசாய சோளத்தட்டு பயிரில் தீ விபத்து

சேலம் மாவட்டம் ஆத்தூர் அருகே அம்மம்பாளையம் மருது வீரன் கோவில் அருகில் வசித்து வருபவர் தங்கவேலு மகன் ராமநாதன் இவர் தனது விவசாய தோட்டத்தில் சோளத்தட்டு பயிர் செய்துள்ள நிலையில் இன்று திடீரென சோளத்தட்டு பயிரில் கரும்புகை வருவதை கண்ட விவசாயி சென்று பார்க்கும் பொழுது தீ விபத்து ஏற்பட்டு தீ மளமளவென எரியத் தொடங்கியது.

இதனையடுத்து விவசாயி தீயணைப்பு நிலையத்திற்கு அளித்த தகவலின் பெயரில் தீயணைப்பு நிலைய அலுவலர் அசோகன் தலைமையிலான வீரர்கள் சம்பவ இடத்திற்கு விரைந்து சென்று தீயை அணைத்து மேலும் பரவாமல் கட்டுக்குள் கொண்டு வந்தனர்