மேட்டூர் வனத்துறை அலுவலகத்தில் தீ தடுப்பு ஒத்திகை நிகழ்ச்சி

மேட்டூர் வனத்துறை அலுவலகத்தில் காட்டு தீ தடுப்பு விழிப்புணர்வு கூட்டம் நடைபெற்றது.கூட்டத்திற்கு வனச்சரக அலுவலக சிவானந்தம் தலைமை வகித்தார். இதில் கோடை காலத்தில் வனப்பகுதியில் தீ விபத்து ஏற்படுவதை தடுக்க ஆலோசனைகள் வழங்கப்பட்டது. வனவர்கள், வன காவலர்கள் மற்றும் வன பணியாளர்களுக்கு கோடை காலத்தில் ஏற்படும் காட்டு தீயை எவ்வாறு கட்டுப்படுத்துவது மற்றும் பல்வேறு வகையான மீட்பு முறைகள் பற்றி தீயணைப்புத்துறை சார்பில் பயிற்சி மற்றும் ஒத்திகை நிகழ்ச்சி நடத்தப்பட்டது. அப்போது தீயணைப்பு துறையினர் புகை தடுப்பு கண்ணாடி,தீக்கவச உடைகள், தீ கவச காலணிகள் அடைந்து கொண்டு காற்று அடிப்பான் கருவி, செடி பூண்டுகள் மூலம் தீயை அணைத்து காட்டினர். இந்த நிகழ்ச்சியில் கனிம வள கோட்ட மேலாளர் ரமேஷ் பாபு, மேட்டூர் தீயணைப்பு நிலைய அலுவலர் வெங்கடேஷ், வருவாய்த்துறையினர் ,தீயணைப்பு துறையினர், தன்னார்வலர்கள், தனியார் ரோட்டரி சங்க நிர்வாகிகள் உள்பட பலர் கலந்து கொண்டனர்.