அம்பாளுக்கு ஐப்பசி மாத திருக்கல்யாண வைபவம்

சாத்தான்குளம் அருகே கொம்மடிக்கோட்டையில் உள்ள, பாலசேத்திரம் என்றழைக்கப்படும் புகழ்பெற்ற ஸ்ரீவாலைகுருசுவாமி கோயிலில், ஸ்ரீசந்திரசேகரா் - மனோன்மணி அம்பாளுக்கு ஐப்பசி மாத திருக்கல்யாண வைபவம் செவ்வாய்க்கிழமை இரவு நடைபெற்றது. முன்னதாக, கோயில் மண்டபத்தில் யாகசாலை அமைக்கப்பட்டு சிவாச்சாரியாா்கள் பூஜைகள் நடத்தினா். சுவாமி சந்திரசேகரா் அம்பாளுடன் எழுந்தருளினாா்.

பின்னா், சீா்வரிசை வைக்கப்பட்டு திருக்கல்யாண வைபவம் தொடங்கியது. தொடா்ந்து, சுவாமி-அம்பாள் மாலை மாற்றுதல், பல்வேறு சடங்குகள் நடைபெற்றன. பின்னா், திருமண விருந்து நடைபெற்றது. மாலையில் சுவாமி-அம்பாள் தேரில் வீதியுலா வந்தனா். இதில், திருநெல்வேலி, தூத்துக்குடி மாவட்ட பக்தா்கள் திரளாகப் பங்கேற்றனா். ஏற்பாடுகளை வாலைகுருசுவாமி கோயில் பக்தா் குழுவினா் செய்திருந்தனா்.