விபத்தில் பெண் உட்பட ஐந்து பேர் படுகாயம்

திண்டுக்கல் மாவட்டம் பழனியில் இருந்து கொடைக்கானல் செல்லும் சாலையில் வரதமா நதி அணைகட்டு அருகே சாலையோரத்தில் மூன்று இருசக்கர வாகனங்களில் ஒரு பெண் உட்பட ஐந்து பேர் நின்று கொண்டு பேசிக் கொண்டிருந்தனர். அப்போது புதன்கிழமை மதியம் 1 மணியளவில் எதிர்பாராத விதமாக அந்த வழியாக அதிவேகமாக வந்த கார் ஒன்று ,மூன்று இரு சக்கர வாகனங்களில் மோதி தடுப்பில் மோதி நின்றது. இதில் இரு சக்கர வாகனத்தில் இருந்த பெண் உட்பட ஐந்து பேர் படுகாயம் அடைந்தனர். அருகில் இருந்தவர்கள் உடனடியாக 108 ஆம்புலன்ஸ் வரவழைத்து காயம் அடைந்தவர்களை பழனி அரசு மருத்துவமனைக்கு அனுப்பி வைத்தனர். விபத்து குறித்து பழனி தாலுகா காவல்துறையினர் விசாரணை செய்து வருகின்றனர்.