விபத்தில் முன்னாள் கூட்டுறவு சங்கத் தலைவர் உயிரிழப்பு

கொல்லங்கோடு அருகே ஊரம்பு பரணிமாவிளை பகுதியை சேர்ந்தவர் சசி.வெங் கஞ்சி கூட்டுறவு சங்கத்தின் முன்னாள் தலைவர். இவர் தற்போது சூழால் மடத்திக்குளம் பகுதியில் உள்ள வீட் டில் தங்கியிருந்தார். கடந்த 13 ம்தேதி காலை ஊரம்பிலிருந்து வீட்டுக்கு தனது பைக்கில் சென்று கொண்டிருந்தார். சசி சூழால் கலுங்குநடை பகுதியில் பின்னால் வந்த மினி டெம்போ, சசி சென்ற பைக்கின் பின்னால் மோதியது.

இதில் நிலைதடுமாறி எதிரே வந்த ஆட்டோ மீது பைக் மோதியது. ஆட்டோ டிரைவர் பைக்கில் மோதாமல் இருக்க திடீரென பிரேக் போட்டதால் ஆட்டோ சாலையில் தலை குப்புற கவிழ்ந்தது. இந்த விபத்தில் தலையில் பலத்த காயமடைந்த சசி நெய்யாற்றின்கரையில் உள்ள ஒரு தனி யார் மருத்துவமனையிலும் ஆட்டோ டிரைவர் ஹரிதாஸ் குழித்துறை அரசு மருத்துவமனையிலும் சிகிச்சை பெற்று வந்தனர்.

இது சம்பந்தமாக ஆட்டோ டிரைவர் ஹரிதாஸ் கொடுத்த புகாரின் பேரில் கொல்லங்கோடு போலீசார் அடையாளம் தெரியாத மினி டெம்போ மீது வழக்கு பதிவு செய்து, வாகனத்தை தேடி வந்தனர். இந்நிலையில் தனியார் மருத்துவமனையில் சிகிச்சை பெற்று வந்த சசி நேற்று காலை பரிதாபமாக உயிரிழந்தார்.சசிக்கு மனைவி மற்றும் இரண்டு பெண் பிள்ளைகள் உள்ளனர். முன்னாள் கூட்டுறவு சங்க தலைவர் உயிரிழந்த சம்பவம் ஊரம்பு மற்றும் சூழால் பகுதியில் பொதுமக்களிடையே பெரும் சோகத்தை ஏற்படுத்தியுள்ளது.