30 ஆண்டுகளுக்குப் பிறகு சந்தித்துக் கொண்ட முன்னாள் மாணவர்கள்

வேலூர் மாவட்டம் குடியாத்தம் பகுதியில் உள்ள திருவள்ளுவர் மேல்நிலைப் பள்ளியில் 1994 மற்றும் 95 ஆம் கல்வி ஆண்டில் பயின்ற பள்ளி மாணவர்களின் சந்திப்பு இன்று நடைபெற்றது. 30 ஆண்டுகளுக்குப் பிறகு நடைபெற்ற இந்த சந்திப்பில் 1995 ஆம் ஆண்டு 12 ஆம் வகுப்பு தமிழ் வழி கல்வி பயின்ற நூற்றுக்கும் மேற்பட்ட முன்னாள் மாணவ மாணவிகள் கலந்து கொண்டனர்.இந்த முன்னாள் மாணவர்கள் சந்திப்பிற்கு லண்டனில் இருந்தும் பல்வேறு வெளிநாடுகளில் இருந்தும் முன்னாள் மாணவர்கள் கலந்துகொண்டு ஒருவருக்கு ஒருவர் அன்பை பரிமாறிக் கொண்டனர்.