50 ஆண்டுகளுக்குப் பிறகு சந்தித்த முன்னாள் மாணவர்கள்

நாமக்கல் மாவட்டம் ராசிபுரம் அண்ணா சாலை அரசு மேல்நிலைப்பள்ளியில் கடந்த 1973-1974-ம் ஆண்டு பயின்ற முன்னாள் மாணவர்கள் சந்திப்பு நிகழ்ச்சி ஞாயிற்றுக்கிழமை நடைபெற்றது. பள்ளி வளாகத்தில் நடைபெற்ற நிகழ்ச்சியில் 50 ஆண்டுகளுக்கு பிறகு இப்பள்ளியில் பயின்று தற்போது பல்வேறு ஊர்களில் பணியாற்றி வரும் முன்னாள் மாணவர் தங்களது குடும்பத்தினருடன் கலந்து கொண்டு ஒருவருக்கொருவர் கண்டு பேசி மகிழ்ந்தனர்.

மேலும் தங்களுடன் படித்து மறைந்த நண்பர்களானமுன்னாள் மாணவர்களுக்கு மௌன அஞ்சலி செலுத்தினர். நிகழ்ச்சியில் முன்னதாக முன்னாள் மாணவர் சங்கத்தலைவர் டாக்டர் எஸ்.சதாசிவம் தலைமை வகித்தார். பள்ளித் தலைமையாசிரியர் எம்.குணசேகரன் முன்னிலை வகித்தார். ஏ.வேலுசாமி வரவேறறார்.

இதில் பங்கேற்ற தங்களது பள்ளி நாட்களின் நினைவுகளை கூறி கருத்துக்களை பகிர்ந்து கொண்டனர். மேலும் தற்போது வாழ்க்கை வசதிகள், குடும்ப நிலை போன்றவை குறித்தும் தங்களின் எண்ணங்களை பகிர்ந்து கொண்டனர். இதில் டாக்டர் டி.கண்ணன், என்.செல்வராஜ், ஒய்வு பெற்ற தலைமையாசிரியர் கே.மதியழகன், முன்னாள் மாணவர்கள் பி.சின்னு,பி.சேகர், எம்.கிருஷ்ணகுமார், ஆர்.வெங்கடாஜலம், ஏ.டி.அழகரசு உள்ளிட்ட பலர் பங்கேற்றனர்.