4 பேர் பயணம் செய்த பைக் விபத்தில் சிக்கி ஒருவர் பலி

மயிலாடுதுறை மாவட்டம் திருவிளையாட்டம் பகுதியைசேர்ந்தவர் ராஜேஷ்(24). இவர் செம்பனார்கோவில் பகுதியில் முடிதிருத்தும் தொழில் பார்த்துவருகிறார்.. சம்பவ தினத்தன்று இரவு வீட்டிற்குச் செல்ல ராஜேஷ் தனது பைக்கை திருவிளையாட்டத்தை சேர்ந்த அவரது நண்பரான வேல்முருகன் என்பவரை ஓட்டச் சொல்லி அதில் அமர்ந்துகொண்டார், அதே பைக்கில் சரத்(19)என்பவரும் ஆகாஷ் என்ற பள்ளி மாணவன் என 4பேரும் ஒரே பைக்கில் செம்பனார்கோலிலிருந்து நல்லாடையைநோக்கி இரவு சென்றுகொண்டிருந்தனர். கடலி என்ற பகுதி வழியாகச் சென்றபோது சாலை இறக்கத்தில் இறங்கி ஏறும்போது சாலைஓரத்தில் இருந்த மின்கம்பி மரத்தில் மோதி தூக்கிவீசப்பட்டனர். அடிபட்ட அனைவரும் படுகாயமடைந்தனர், உடனயாக அவர்களை ஆம்புலன்ஸ்மூலம் மயிலாடுதுறை அரசு மருத்துவமனையில் சேர்த்தனர், இந்த விபத்தில் சிக்கியிருந்த சரத்(19) வரும் வழியிலேயே இறந்துவிட்டதாக மருத்துவர்கள் கூறினர். ராஜேஷ், ஆகாஷ் ஆகிய இருவரும் மேல்சிகிச்சைக்காக திருவாரூர் மருத்துவக்கல்லூரி மருத்துவமனையில் சேர்க்கப்பட்டுள்ளனர், பைக் ஓட்டிய வேல்முருகன் சிராய்ப்புக் காயத்துடன் தப்பிவிட்டார். இதுகுறித்து பெரம்பூர் போலீசார் பைக்கை ஓட்டிச் சென்ற வேல்முருகன்மீது வழக்குப் பதிவுசெய்தனர்,