பணம் வைத்த சூதாடிய நான்கு பேர் கைது !

கரூர் மாவட்டம் அரவக்குறிச்சி காவல் எல்லைக்குட்பட்ட, ஈசநத்தம் சுற்றுவட்டார பகுதியில் பணம் வைத்து சூதாடுவதாக காவல் உதவி ஆய்வாளர் திருநாவுக்கரசுக்கு தகவல் கிடைத்தது. தகவலின் அடிப்படையில், மார்ச் 16ஆம் தேதி மதியம் 2 மணி அளவில், ஈசநத்தம் சுற்று வட்டார பகுதியில் ரோந்து பணியில் ஈடுபட்டார். அப்போது, அருகில் உள்ள சுக்காம்பட்டி மாரியம்மன் கோவில் பின்புறத்தில் உள்ள முள் தோட்டத்தில் பணம் வைத்த சூதாடுவது கண்டுபிடிக்கப்பட்டது. இந்த சூதாட்டத்தில் ஈடுபட்ட, ஈசநத்தம் முத்துராமன் நகரை சேர்ந்த பழனிச்சாமி, ஆலமரத்துப்பட்டி பகுதியைச் சேர்ந்த ராமகிருஷ்ணன், சொக்கலாபுரம் பகுதியைச் சேர்ந்த ராஜேந்திரன், சுக்காம்பட்டி பகுதியைச் சேர்ந்த ராமசாமி ஆகிய நான்கு பேரையும் கைது செய்து, அவர்கள் சூதாட பயன்படுத்தி 52 சூதாட்ட அட்டைகளையும், ரூ.200-ம் பறிமுதல் செய்தனர். பின்னர் நான்கு பேர் மீதும் வழக்கு பதிவு செய்த காவல்துறையினர், அவர்களை காவல் நிலைய பிணையில் விடுவித்து நடவடிக்கை மேற்கொண்டனர் அரவக்குறிச்சி காவல்துறையினர்.