போதை மாத்திரைகள் விற்ற நான்கு இளைஞர்கள் கைது!

புதுக்கோட்டை மாவட்டம் கோட்டைப்பட்டினம் பகுதியில் போதை மாத்திரை விற்றதாக 4 பேரை போலீஸார் கைது செய்தனர். புதுக்கோட்டை மாவட்டத்தின் கடற்கரைப் பகுதியில் போதைப் பொருள் புழக்கம் குறித்து போலீஸாருக்கு கிடைத்த தகவலின்பேரில் தீவிர நடவடிக்கை எடுக்க அறிவுறுத்தப்பட்டுள்ளது. இந்நிலையில், கோட்டைப்பட்டினம் தர்ஹா அருகே விற்பனைக்காக போதை மாத்திரைகள் வைத்திருந்ததாக அதேபகுதியைச் சேர்ந்த எம். அப்துல் ரகுமான் (29), என். ஷேக் அப்துல்லா (25), கே. முகமது அப்துல்லா (24), கே. அப்துல் அகமது (28) ஆகிய 4 பேரை கோட்டைப்பட்டினம் போலீஸார் கைது செய்து விசாரித்து வருகின்றனர்.