குரூப்-1 தேர்வுக்கு கட்டணமில்லா பயிற்சி வகுப்பு!

தமிழ்நாடு அரசு பணியாளர் தேர்வாணையத்தால் குரூப்-1 முதல் நிலை பணியிடங்களுக்கான தேர்வுக்கு மார்ச் மாதத்தில் அறிவிப்பு வெளியிடப்பட்டுள்ளது. இந்த தேர்விற்கு திருவண்ணாமலை மாவட்ட வேலைவாய்ப்பு மற்றும் தொழில் நெறி வழி காட்டும் மையம், தன்னார்வ பயிலும் வட்டம் மூலம் வார நாட்களில் திங்கட்கிழமை முதல் வெள்ளிக்கிழமை வரை காலை 10 மணி முதல் மதியம் 1 மணி வரை கட்டணமில்லா பயிற்சி வகுப்பு நடத்தப்பட்டு வருகிறது. இந்த பயிற்சி வகுப்பில் கலந்துகொள்ள விரும்புவர்கள் 04175-233381 என்ற அலுவலக தொலைபேசி எண்ணில் தங்கள் பெயரை பதிவு செய்து கொண்டு பயன்பெறலாம் என மாவட்ட ஆட்சியர் பாஸ்கர பாண்டியன் தெரிவித்துள்ளார்.