இலவச கண் பரிசோதனை முகாம் !

தஞ்சாவூர் மாவட்டம், பேராவூரணி ஸ்ரீ விநாயகா திருமண மஹாலில் (மார்ச், 17 ஆம் தேதி) ஞாயிற்றுக்கிழமை இலவச கண் பரிசோதனை முகாம் நடைபெற உள்ளது. பேராவூரணி லயன்ஸ் சங்கம், ஸ்ரீ விநாயகா ஜுவல்லர்ஸ், மதுரை அரவிந்த் கண் மருத்துவமனை, மாவட்ட பார்வையிழப்பு தடுப்பு சங்கம் இணைந்து மார்ச் 17 ஆம் தேதி ஞாயிற்றுக்கிழமை அன்று, பேராவூரணி ஸ்ரீ விநாயகா திருமண மஹாலில் முழுமையான இலவச கண் பரிசோதனை முகாம் நடத்த உள்ளனர். முகாமில், கண்புரை நோய், சர்க்கரை நோய், கண் நீர் அழுத்த நோய், குழந்தைகளுக்கான கண் நோய், கிட்டப்பார்வை, தூரப்பார்வை, வெள்ளெழுத்து உள்ளிட்ட அனைத்து வகையான கண் சம்பந்தப்பட்ட குறைபாடுகளுக்கு மருத்துவர்கள் பரிசோதனை செய்து ஆலோசனை வழங்க உள்ளனர். பொதுமக்கள் முகாமிற்கு வரும் போது வாக்காளர் அடையாள அட்டை, ஆதார் அட்டை, குடும்ப அட்டை, தொலைபேசி எண் ஆகியவற்றை கொண்டு வரவேண்டும் என லயன்ஸ் சங்கத் தலைவர் சிவநாதன் தெரிவித்தார்.