செங்கல்பட்டு பள்ளியில் இலவச கண் பரிசோதனை முகாம்

மதுராந்தகம் ஏரி நகர லயன்ஸ் சங்கம், சென்னை எம்என் கண் மருத்துவமனை, செங்கல்பட்டு மாவட்ட பாா்வை இழப்புத் தடுப்புச் சங்கம் சாா்பில், நகராட்சி தொடக்கப் பள்ளி வளாகத்தில் இலவச கண் பரிசோதனை முகாம் நடைபெற்றது. முகாமுக்கு லயன்ஸ் சங்க தலைவா் எம்.பாஸ்கா் தலைமை வகித்தாா். செயலாளா் பி.அலோசியஸ் துரைராஜ் வரவேற்றாா். இந்நிகழ்ச்சியில் மாவட்ட நிா்வாகிகள் முனுசாமி, சிவகுமாா், தனபாண்டியன், சங்க பொருளாளா் ஜெயராஜ் உள்பட பலா் கலந்து கொண்டனா்.

சென்னை எம்என் கண் மருத்துவமனை கண் மருத்துவா் சூரியா தலைமையில் மருத்துவ குழுவினா் கலந்து கொண்டு கண்ணில் புரை, சதை வளா்ச்சி, நீா் அழுத்தம், கண் எரிச்சல், கண் வலி போன்ற நோய்களால் பாதிக்கப்பட்ட 170 பேருக்கு சிகிச்சை அளித்தனா். அதில் 15 போ் கண்புரை அறுவை சிகிச்சைக்காக தோ்வு செய்யப்பட்டனா். கண்புரை அறுவை சிகிச்சைக்காக தோ்வு செய்யப்பட்ட 15 நபா்களும் சென்னைக்கு அழைத்து செல்லப்பட்டு, இலவசமாக அறுவைசிகிச்சை, மருந்து மாத்திரைகள் வழங்கப்பட உள்ளன.