நச்சாந்துபட்டியில் இலவச மருத்துவ முகாம்

புதுக்கோட்டை மாவட்டம் திருமயம் அருகே உள்ள நச்சாந்துபட்டியில் நகரத்தார் சமூக நல அறக்கட்டளை,இந்திய மருத்துவ சங்கம் புதுகை கிளை சார்பில் இலவச மருத்துவ முகாம் நடந்தது. இந்திய மருத்துவ சங்கம் புதுவை மாவட்ட தலைவர் ராமமூர்த்தி தலைமை வகித்தார். டாக்டர் ரவிக்குமார் முன்னிலை வகித்தார். நகரத்தார் சமூக நல அறக்கட்டளை முதன்மை நிர்வாக அலுவலர் டத்தோ. மெய்யப்பன் வரவேற்றார். முகாமை அறக்கட்டளை தலைவர் சாத்தப்பன் தொடங்கி வைத்தார் டாக்டர் ஜானகி தலைமையிலான மருத்துவ குழுவினர் 200 பெண்களுக்கு பரிசோதனை செய்து சிகிச்சை அளித்தனர். ரத்தம், இசிஜி, ஸ்கேன், பரிசோதனை இலவசமாக செய்யப்பட்டது. டாக்டர் லஷ்மி பிரியா, பேராசிரியர் முத்துக்குமார் ஆகியோர் வாழ்த்தி பேசினர். மருத்துவ சங்கத்தின் நவரத்தின சாமி நன்றி கூறினார்.