குரூப்-1 போட்டி தேர்வுக்கான இலவச பயிற்சி நாளை துவக்கம்

சேலம் மாவட்ட கலெக்டர் பிருந்தாதேவி வெளியிட்டுள்ள செய்திக்குறிப்பில் கூறியிருப்பதாவது:- தமிழ்நாடு அரசுப் பணியாளர் தேர்வாணையத்தால் குரூப்- I ல் அடங்கிய பணிக்காலியிடங்களுக்கான தேர்வு அறிவிப்பு வெளியிடப்பபட்டுள்ளது. இந்த தேர்விற்கான இலவச பயிற்சி வகுப்பு சேலம், ஏற்காடு சாலை, கோரிமேடு பகுதியில் அமைந்துள்ள மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் நாளை (புதன்கிழமை) காலை 10½ மணிக்கு தொடங்குகிறது.

போட்டி தேர்வுகளில் வெற்றி பெற்ற சிறந்த வல்லுனர்கைள கொண்டு நடத்தப்படுகிறது. பாடக்குறிப்புகள் இலவசமாக வழங்கப்படுவதோடு மாதிரித் தேர்வுகளும் நடத்தப்பட உள்ளன. இலவச பயிற்சியில் கலந்து கொண்டவர்களில் இதுவரை 294 பேர் அரசுப்பணி பெற்று உள்ளனர். விருப்பம் உள்ளவர்கள் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை நேரில் அணுகி முன்பதிவு செய்துகொள்ளவும். இவ்வாறு அதில் அவர் கூறியுள்ளார்.