கஞ்சா போதையில் நண்பர் அடித்து கொலை

தூத்துக்குடி ஆ. சண்முகபுரத்தை சேர்ந்தவர் மாரியப்பன். இவர் மீது பல்வேறு வழக்குகள் உள்ளது. ஜாகீர் உசேன் நகர் பகுதியில் ஒரு முட்புதருக்குள் நண்பர்களுடன் சேர்ந்து மாரியப்பன் கஞ்சா உள்ளிட்ட போதை பொருட்களை பயன்படுத்தியதாக கூறப்படுகிறது. இதில், நண்பர்களுடன் ஏற்பட்ட தகராறில் மாரியப்பன் அடித்து கொலை செய்யப்பட்டார். அவரை கொலை செய்தவர்கள் அங்கிருந்து தப்பி ஓடி விட்டனர்.

கொலை குறித்த தகவல் அறிந்து வந்த போலீசார் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். கொலை குறித்து போலீசார் தொடர்ந்து விசாரணை நடத்தி வருகின்றனர். ஜாகீர் உசேன் நகர் பகுதியில் உள்ள முற்பதற்குள் ரௌடிகள் கஞ்சா உள்ளிட்ட போதை பொருட்களை பயன்படுத்தி அடிக்கடி தகராறு ஏற்பட்டு வருவதாக கூறப்படுகிறது.

இதுகுறித்து அந்தபகுதி மக்கள் தாளமுத்துநகர் போலீசாரிடமும், தனிப்பிரிவு போலீசாரிடமும் பலமுறை புகார் தெரிவித்தும் எந்தவித நடவடிக்கையும் எடுக்கவில்லை. இதானால் தான் கொலை நடந்துள்ளதாக அந்த பகுதி மக்கள் காவல்துறை மீது குற்றம் சாட்டினர்.