ஆயுதங்களுடன் பதுங்கியிருந்த கொள்ளை கும்பல் கைது

திருச்சி அருகேயுள்ள ஓலையூரில் இருந்து முடிகண்டம் செல்லும் சாலை அருகில் நேற்று இரவு ஒரு வயலில் 5 போ் கொண்ட கும்பல் பயங்கர ஆயுதங்களுடன் பதுங்கி இருப்பதாக தனிப்படை போலீஸாருக்கு தகவல் வந்தது. அதன்பேரில், மணிகண்டம் காவல் நிலைய போலீஸாா் சம்பவ இடத்துக்கு விரைந்து சென்றனா். போலீஸாரைக் கண்டதும். அங்கிருந்த கும்பல் தப்பிச் செல்ல முயன்றது. அவா்களை மடக்கிப்பிடித்த போலீஸாா் காவல் நிலையம் அழைத்து வந்து விசாரணை நடத்தினா்.

விசாரணையில் அவா்கள் திருச்சி ஓலையூரைச் சோ்ந்த ஜெய்சங்கா், குழந்தை ராஜ் ,திருமலை சமுத்திரத்தைச் சோ்ந்த ராஜா என்கிற லோகநாதன், மதுரை உசிலம்பட்டியைச் சோ்ந்த வீரன், வினோத் என்பது தெரியவந்தது. மேலும், அவா்கள் கூட்டுக் கொள்ளை அடிப்பதற்கு திட்டமிட்டு ஆயுதங்களுடன் பதுங்கி இருந்ததை ஒப்புக் கொண்டனா். இதைத்தொடா்ந்து வழக்குப் பதிவு செய்த போலீஸாா் 5 பேரையும் கைது செய்தனா். மேலும் அவா்களிடமிருந்து இருசக்கர வாகனங்கள், இரும்பு குழாய்கள் மற்றும் கம்பிகள், சுத்தியல், அரிவாள் உள்ளிட்ட ஆயுதங்களை பறிமுதல் செய்தனா்.