பித்தளை கேட் வால்வுகளை திருட முயன்ற கும்பல் - போலீசார் விசாரணை

தம்மம்பட்டி அருகே செந்தாரப்பட்டி பேரூராட்சியில் குடிநீர் விநியோகம் செய்யப்படும் பைப் லைன்களில் 27 பித்தளை கேட்வால்வுகள் பொறுத்தப்பட்டது.கடந்த மாதம் வரை, 20 கேட்வால்வுகள் திருடு போனது.இதன் மொத்த மதிப்பு 1.20 லட்சமாகும். இதுகுறித்து, தம்மம்பட்டி போலீசார் விசாரணை நடத்தி வரும்நிலையில், நேற்று முன்தினம் இரவு, செந்தாரப்பட்டிக்கு சரக்கு ஆட்டோவில் சென்ற 5 பேர், பஜனை மட குடிநீர் குழாயில் பொறுத்தப்பட்டிருந்த பித்தளை கேட்வால்வை உடைத்தனர். சத்தம் கேட்டு அருகே வசித்துவரும் பேரூராட்சி பணியாளரான செல்லம்மாள் என்பவர், அவர்களை பிடிக்க முயன்றார்.அப்போது, செல்லம்மாளை தாக்கி விட்டு ஆட்டோவில் ஏறி தப்பி சென்றனர். இது குறித்து தம்மம்பட்டி போலீஸ் ஸ்டேஷனில் கொடுத்த புகாரின் பேரில், அப்பகுதியில் உள்ள ஜவுளிக்கடைகளில் பொருத்தப்பட்டிருந்த சிசிடிவி கேமரா பதிவுகளை கைப்பற்றி, போலீசார் விசாரணை மேற்கொண்டுள்ளனர்.