கார்களை அடித்து உடைத்து சேதப்படுத்திய கும்பல்

கன்னியாகுமரி மாவட்டம் மேல்புறம் அருகே செம்மங்காலை காலங்குளம்கரை பகுதியை சேர்ந்த கூலித் தொழிலாளி தோமாஸ். இவரது வீட்டிற்கு செல்லும் வழியில் உள்ள இடத்தில் தனது சொகுசு காரை விடுவது வழக்கம். இந்த நிலையில் இரவு பயங்கர சத்தம் கேட்டதால் வீட்டின் வெளியே வந்து பார்த்த போது தோமஷ் காரை ஒரு மர்ம கும்பல் அடித்து நொறுக்கியது. அந்த நேரத்தில் சாலை ஓரமாக நிறுத்தப்பட்டிருந்த ரெஜின் என்பவரது காரையும் அந்த கும்பல் அடித்து நொறுக்கியது. இது குறித்து பாதிக்கப்பட்டவர்கள் கொடுத்த புகாரின் பேரில் மார்த்தாண்டம் போலீசார் வழக்கு பதிவு செய்து விசாரணை நடத்தி வருகின்றனர்