ஊத்தங்கரையில் எரிவாயு பாதுகாப்பு விழிப்புணர்வு

கிருஷ்ணகிரி மாவட்டம் ஊத்தங்கரை அரசு ஆண்கள் மேல்நிலைப் பள்ளியில் எரிவாயு பாதுகாப்பு மற்றும் எரிவாயு சிக்கன விழிப்புணர்வு நிகழ்ச்சி நடைபெற்றது.

இந்நிகழ்ச்சிக்கு பள்ளி தலைமை ஆசிரியர் பெரியசாமி தலைமை தாங்கினார். உதவி தலைமை ஆசிரியர்கள் யசோதா, கணேசன் ஆகியோர் முன்னிலை வகித்தனர். ஊத்தங்கரை ஆர்எல்ஆர் இண்டேன் கேஸ் சார்பில் லதா, சுகுணா, மாரியப்பன், சந்தோஷ்குமார் ஆகியோர் எரிவாயு பாதுகாப்பு விழிப்புணர்வு மற்றும் எரிவாயு சிக்கனம் என்ற தலைப்பில் செயல்முறை விளக்கம் அளித்தனர்.

மேலும் மாணவர்கள் எரிவாயு சம்பந்தமாக கேட்ட வினாக்களுக்கு உரிய விளக்கமும் அளித்தனர். இந்நிகழ்ச்சியில் ஆசிரியர்கள் வேலுச்சாமி, சம்பத் மற்றும் மாணவர்கள் கலந்து கொண்டனர். முன்னதாக எரிவாயு பாதுகாப்பு விழிப்புணர்வு என்ற தலைப்பில் நடைபெற்ற போட்டிகளில் வெற்றி பெற்ற மாணவர்களுக்கு ஆர்எல்ஆர் இண்டேன் கேஸ் உரிமையாளர் லதா பரிசுகளை வழங்கினார்.

நிகழ்ச்சிக்கான ஏற்பாடுகளை ஜேஆர்சி ஆசிரியர் கணேசன் செய்திருந்தார்.