குழந்தை யேசு ஆலய சிறப்பு பிரார்த்தனை

இயேசு சிலுவையில் அறையப்பட்ட தினமான இன்று கிறிஸ்தவா்கள் புனித வெள்ளியாக அனுசரித்து வருகின்றனா். புனித வெள்ளியை முன்னிட்டு சேலம் நான்கு ரோடுஅருகே உள்ள குழந்தை இயேசு பேராலயத்தில் இன்று காலை சிறப்புப் திருப்பலி சிலுவை பாதை ஊர்வலம் பேராலயத்தின் பங்குத்தந்தை ஜோசப் லாசர் தலைமையில் நடைபெற்றது.

உதவி பங்குத்தந்தை பிரான்சிஸ் சேவியர் , பேராலயத்தின் துணைத் தலைவர் ஜான் கென்னடி முன்னிலையில் நடந்தது. அரிசிபாளையத்தில் உள்ள புனித மேரி பள்ளியில் இருந்து இயேசு வேடமிட்டவா் சிலுவையை சுமந்து வருவது போன்றும், இயேசு சிலுவையில் அறையும் போது அவர் எப்படி நடத்தப்பட்டதோ, அதே போல் தத்துவரூபமாக நடத்தப்பட்டது. மேலும் சிலுவைப்பாடு ஊா்வலமாக குழந்தை இயேசு பேராலயத்துக்கு வந்தனா். சுமாா் இரண்டு கி.மீ. தூரத்திற்கு கிறிஸ்தவா்கள் ஊா்வலமாக நடந்து வந்தனா்.

இந்த ஊா்வலம் குழந்தை இயேசு பேராலயத்தில் நிறைவடைந்தது. ஊா்வலத்தில் பங்கேற்ற கிறிஸ்தவா்கள் முக்கிய சந்திப்புகளில் நின்று சிறப்பு பிராா்த்தனை செய்து வழிபட்டனா். கிறிஸ்தவ பாடல்களையும் பாடி ஊா்வலமாக வந்தனா். இதில் பங்கு தந்தையர்கள் இறைமக்கள் 500க்கும் மேற்பட்டோர் பங்கேற்றனர்.