கார் மீது அரசு பேருந்து மோதி விபத்து - மூவர் காயம் !

சிவகங்கை மாவட்டம், காரைக்குடி செஞ்சையைச் சேர்ந்த வெங்கடேஸ்வரன், அவரது மனைவி கவிதா, மகன் நகுல்(19) ஆகியோர் காரில் நேற்று இரவு தேவகோட்டையில் இருந்து காரைக்குடி நோக்கி சென்று கொண்டிருந்தனர். சடையன்காடு விலக்கு சாலை தடுப்பு பகுதியில் வாகனங்கள் வந்ததால் அதற்கு வழிவிட்டு ஓரமாக நின்று கொண்டிருந்தனர். அப்போது தேவகோட்டையில் இருந்து சென்னை செல்லும் அரசுப்பேருந்து அதிவேகமாக வந்து, நின்று கொண்டிருந்த கார் மீது மோதி விபத்துக்குள்ளானது.

இதில் கார் அப்பளம் போன்று நொறுங்கியதுடன் நகுல் அவரது அம்மா கவிதா, இருவரும் பலத்த காயமடைந்தனர். தகவலறிந்த தேவகோட்டை தீயணைப்பு மற்றும் மீட்புப் பணிகள் குழுவினர் விரைந்து வந்து காரில் சிக்கி இருந்தவர்களை மீட்டு தேவகோட்டை அரசு மருத்துவமனைக்கு அனுப்பி வைத்தனர். இச்சம்பவம் குறித்து ஆறாவயல் போலீசார் வழக்குப்பதிந்து விபத்து ஏற்படுத்திய அரசு பேருந்து ஓட்டுநரை கைது செய்து விசாரணை மேற்கொண்டு வருகின்றனர்.