மினி டெம்போ மீது அரசு பேருந்து மோதி விபத்து

கள்ளக்குறிச்சி அடுத்த தச்சூர் பகுதியைச் சேர்ந்தவர் செல்லமுத்து மகன் விஜயகுமார், 32; அரசு பஸ் டிரைவர். இவர், நேற்று அதிகாலை சென்னையில் இருந்து கள்ளக்குறிச்சி நோக்கி பஸ்சை ஓட்டிச் சென்றார். 4:50 மணியளவில் உளுந்துார்பேட்டை பஸ் நிலையம் அருகே வந்தபோது, திடீரென கட்டுப்பாட்டை இழந்த பஸ், சாலையோரம் நிறுத்தப்பட்டிருந்த மினி டெம்போ பின்னால் மோதியது.

இதில் மினி டொம்போ முன்னோக்கிச் சென்று, முன்னால் நிறுத்தப்பட்டிருந்த 3 பைக்குகள் மீது மோதி விபத்துக்குள்ளானது. இந்த விபத்தில் சாலையோர டீ கடையில் டீ குடித்து கொண்டிருந்த உளுந்துார்பேட்டை மாரியம்மன் கோவில் தெரு பகுதியைச் சேர்ந்த லட்சுமணன் மகன் மதியழகன், 24; என்பவர் மட்டும் லேசான காயமடைந்தார். இது குறித்து உளுந்துார்பேட்டை போலீசார் வழக்குப் பதிந்து விசாரித்து வருகின்றனர்.