அரசு பேருந்து கவிழ்ந்து பெண் உயிரிழப்பு

தென்காசி மாவட்டம் திருவேங்கடம் பகுதியில் இருந்து சிவகாசிக்கு வந்து கொண்டிருந்த அரசு பேருந்தில் 30க்கும் மேற்பட்ட நபர்கள் பயணம் செய்து வந்து கொண்டிருந்தனர் அப்போது அலமேலு மங்கைபுரம் என்ற கிராமத்தின் அருகே டிரைவரின் கட்டுப்பாட்டை இழந்த பேருந்து சாலை ஓர பள்ளத்தில் கவிழ்ந்து விபத்துக்குள்ளானது.

இந்த விபத்தில் செவல்பட்டியைச் சேர்ந்த முத்துமாரி வயது 24 என்பவர் சம்பவ இடத்தில் பரிதாபமாக உயிரிழந்தார். மேலும் விபத்தில் பேருந்து பயணம் செய்த பத்துக்கும் மேற்பட்ட நபர்கள் கவிழ்ந்த பேருந்துக்குள் சிக்கி தவித்தனர்.

இதனை அறிந்த வெம்பக்கோட்டை காவல் துறையினர் மற்றும் வெம்பக்கோட்டை தீயணைப்பு துறையினர் சம்பவ இடத்திற்கு விரைந்து வந்து காயமடைந்தவர்களை மீட்டு சிவகாசி அரசு மருத்துவமனைக்கு சிகிச்சைக்காக அனுப்பி வைத்தனர் மேலும் இச்சம்பவம் குறித்து வெம்பக்கோட்டை காவல் துறையினர் விபத்து குறித்து வழக்கு பதிவு செய்து விசாரணை செய்து வருகின்றனர்