அரசு பஸ் - கார் மோதல் : 6 பேர் படுகாயம் 

கன்னியாகுமரி மாவட்டம் நாகர்கோவிலில் இருந்து நேற்று மாலை சுங்கான்கடை வழியாக அரசு பஸ் வந்து சென்று கொண்டிருந்தது. பஸ்ஸை வசுஜன் (23) என்பவர் ஓட்டினார். வில்லுக்குறி அருகே கார விளை பகுதியில் சென்ற போது, எதிரே வந்த காரும் அரசு பஸ்சும் எதிர்பாராதவிதமாக நேருக்கு நேர் மோதிக் கொண்டன. இதில் காரின் முன்பக்கம் முழுதும் அப்பளம் போல் நொறுங்கியது. பஸ்சும் சேதம் அடைந்தது.

இந்த விபத்தில் காரில் வந்த கர்நாடக மாநிலத்தை சேர்ந்த ஹர்ஷதா (15) ஹர்சன் (18), தினேஷ் (48), வசந்தி (39), மல்லிகார்ஜன் அய்யா (47) கார் டிரைவர் சிவாயோகி ஆகிய 6 பேரும் படுகாயம் அடைந்தனர். இவர்கள் அனைவரும் குமரி அரசு மருத்துவக் கல்லூரி ஆஸ்பத்திரியில் சிகிச்சை பெற்று வருகிறார்கள். இந்த விபத்தால் வில்லுக்குறி தேசிய சாலையில் கடும் போக்குவரத்து நெருக்கடி ஏற்பட்டது. இரணியல் போலீசார் மற்றும் போக்குவரத்து போலீசார் வழக்கு பதிவு செய்து விசாரணை நடத்தி வருகின்றனர்.