இருசக்கர வாகனம் மீது அரசு பஸ் மோதி ஒருவர் உயிரிழப்பு

தர்மபுரி மாவட்டம் பாலக்கோடு பிக்கன அள்ளி பகுதியை சேர்ந்தவர் சேகர் மகன் அஜித் குளிர்பான கடையில் பணியாற்றி வந்தார். கடைகளுக்கு குளிர்பானம் விற்பனை செய்ததற்கான பணத்தை வசூல் செய்வதற்காக நேற்று அஜித் இருசக்கர வாகனத்தில் சென்றார். அப்போது பாலக்கோடு - காரிமங்கலம் சாலையில் கேத்தனஹள்ளி பஸ் ஸ்டாப் அருகே சென்ற போது, அவ்வழியாக வந்த அரசு பஸ் அவரது இருசக்கர வாகனம் மீது மோதியது. இதில் தூக்கி வீசப்பட்டு படுகாயமடைந்த அவர் சம்பவ இடத்திலேயே உயிரிழந்தார்.

இதுகுறித்து தகவல் அறிந்து வந்த, காரிமங்கலம் காவல் துறையினர் அவரது உடலை கைப்பற்றி தர்மபுரி அரசு மருத்துவமனைக்கு அனுப்பி வைத்தனர்.