பங்காரம் லட்சுமி கல்வி நிறுவனத்தில் பட்டமளிப்பு விழா

பங்காரம் லட்சுமி கல்வி நிறுவனத்தில் மாணவர்களுக்கு பட்டமளிப்பு விழா நடந்தது. விழாவிற்கு, கல்லுாரி தாளாளர் மணிவண்ணன் தலைமை தாங்கினார். செயலாளர் முருகப்பன், இயக்குனர் சரவணன், பொருளாளர் சாந்தி, ஒருங்கிணைப்பாளர் சிவக்குமார் முன்னிலை வகித்தனர்.

சிதம்பரம் அண்ணாமலை பல்கலைக் கழக தேர்வு துறை கட்டுபாட்டு அலுவலர் (பொறுப்பு) பிரகாஷ் 1,548 மாணவ மாணவிகளுக்கு பட்டம் வழங்கி சிறப்புரையாற்றினார். கல்லுாரி முதல்வர்கள் சிராஜூதீன், பாஸ்கரன் ஆகியோர் வாழ்த்திப் பேசினர். விழாவில் கல்லுாரி துணை முதல்வர்கள் சக்திவேல், சசிகலா மற்றும் கல்லுாரி துறைத் தலைவர்கள், பேராசிரியர்கள், மாணவ மாணவியர் மற்றும் பெற்றோர்கள் பங்கேற்றனர்.