ஆர்.கே.எஸ்., பள்ளியில் பட்டமளிப்பு விழா

ஆர்.கே.எஸ்., மாஸ்டர்ஸ் மெட்ரிக் மேல்நிலைப்பள்ளியில் மழலையர்களுக்கு பட்டமளிப்பு விழா நடந்தது. கள்ளக்குறிச்சி அடுத்த இந்திலி ஆர்.கே.எஸ்., மாஸ்டர்ஸ் மெட்ரிக் மேல்நிலைப்பள்ளியில் நடந்த நிகழ்ச்சிக்கு, கல்வி நிறுவனங்களின் தலைவர் டாக்டர் மகுடமுடி தலைமை தாங்கினார். பள்ளியின் தலைவர் டாக்டர் மணிவண்ணன் முன்னிலை வகித்தார். பள்ளி முதல்வர் தனலட்சுமி வரவேற்றார்.

கல்வி நிறுவனங்களின் தாளாளர் குமார், செயலாளர் கோவிந்தராஜூ, பள்ளி தாளாளர் ஞானசம்பந்தம், நிர்வாக அலுவலர் மோகனசுந்தர் வாழ்த்துரை வழங்கினர். ஆசிரியை இளவரசி ஆண்டறிக்கை வாசித்தார். ஆசிரியை சரோஜாதேவி சிறப்பு விருந்தினரை அறிமுகம் செய்து வைத்தார்.

சிறப்பு அழைப்பாளராக குதிரைச்சந்தல் அரசு மேல்நிலைப்பள்ளி உதவி தலைமை ஆசிரியர் பொன் செல்வராஜ் பங்கேற்று பட்டங்களை வழங்கினார். தொடர்ந்து மாணவர்களின் கலைநிகழ்ச்சிகளும், போட்டிகளில் வெற்றி பெற்ற மாணவர்களுக்கு பரிசுகளும் வழங்கப்பட்டது. பள்ளி துணை முதல்வர் உலகநாதன் நன்றி கூறினார்.