தேர்தல் அலுவலகம் அமைப்பதற்கான கால்கோள் விழா!

புதுக்கோட்டை ஆலங்குடி ரோட்டில் நிஜாம் காலனி அருகே திருச்சி பாராளுமன்ற தொகுதிக்கு போட்டியிடும் அதிமுக வேட்பாளர் கருப்பையா தேர்தல் அலுவலகம் அமைப்பதற்கான கால்கோள் விழா நடைபெற்றது. அடுத்த மாதம் தமிழகத்தில் பாராளுமன்ற தேர்தல் நடைபெற உள்ளது இதன் ஒரு பகுதியாக திருச்சி பாராளுமன்ற தொகுதியில் அதிமுக வேட்பாளராக கருப்பையா என்பவர் நிறுத்தப்பட்டுள்ளார் இவரது பூர்வீகம் புதுக்கோட்டை மாவட்டத்தை சேர்ந்ததாகும் மேலும் திருச்சி பாராளுமன்ற தொகுதிக்கு உட்பட்ட பகுதி புதுக்கோட்டை மற்றும் கந்தர்வகோட்டை பகுதியும் இணைந்துள்ளது இந்நிலையில் புதுக்கோட்டை ஆலங்குடி ரோட்டில் நிஜாம் காலனி எதிர்புறம் பாராளுமன்ற தேர்தலில் முன்னிட்டு அதிமுக தேர்தல் அலுவலகம் அமைப்பதற்கான கால்கோல் விழா இன்று காலை நடைபெற்றது முன்னதாக இந்த நிகழ்ச்சிக்கு அதிமுக வேட்பாளர் கருப்பையா மற்றும் புதுக்கோட்டை நகர அதிமுக தெற்கு பகுதி செயலாளர் எஸ். ஏ .எஸ். சேட்டு என்ற அப்துல் ரகுமான் மற்றும் நகர வடக்கு பகுதி செயலாளர் பாஸ்கர் ஆகியோர் முன்னிலையில் இவ்விழா நடைபெற்றது. முன்னதாக சிவாச்சாரியார்கள் வேத மந்திரங்கள் முழங்க அங்கு இருந்த மூங்கிலுக்கு சந்தனம் குங்குமம் மாங்கொத்து மலர்கள் வைத்து பூஜிக்கப்பட்டது. பின்னர் பால் நவதானியங்கள் அந்த குழிக்குள் போடப்பட்டுமூங்கில் நடப்பட்டது. பின்னர் சிவாச்சாரியார்கள் வேத மந்திரங்கள் முழங்க தீபாரதனை காட்டினார்கள் இதையடுத்து அந்த தீபாராதனை மற்றவர்கள் பயபக்தியுடன் அதிமுக வெற்றி பெற வேண்டும் என்பதை மனதில் வைத்துக் கொண்டு சாமி கும்பிட்டனர் நிகழ்ச்சியில் அதிமுக பொறுப்பாளர்கள் கலந்து கொண்டார்கள் என்பது குறிப்பிடத்தக்கது.